ജീവിതത്തിൽ നീ ചെയ്യുന്നത് മറ്റൊരാൾ സംശയത്തിൽ ആണ് കാണുന്നത് സംസാരിക്കുന്നതു എന്നൊക്കെ എപ്പോൾ മുതൽ നിനക്ക് തോന്നുന്നു അപ്പോൾ മുതൽ സ്വയം ഒന്ന് വിശകലനം ചെയ്യുന്നത് നല്ലതായിരിക്കും… … കാരണം എവിടെയോ നിനക്ക് തന്നെ നിന്നെ സംശയം ഉണ്ടായിട്ടുണ്ട്… സ്വന്തം പ്രവൃത്തി ശരിയാണോ എന്ന്…
വളരെ രസകരമായ ഒരു കാര്യം പറയാം…
പലരും ആലോചിച്ചു നോക്കി കാണും ചിലപ്പോൾ ഞാൻ ആയിരിക്കും അവസാനം ആയി ആലോചിച്ചതും… നമ്മുടെ വീടുകളിൽ മാതാപിതാക്കൾ തമ്മിൽ പൊരിഞ്ഞ യുദ്ധം നടക്കാറുണ്ടല്ലോ …യുദ്ധം എന്ന പദം ഇവിടെ കൊടുത്തതു മറ്റൊന്നും കൊണ്ടല്ല… ആയുധത്തേക്കാളും മൂർച്ച നാവിനു എന്നാണ് പറയുന്നത് … അപ്പോൾ നാവു കൊണ്ട് നടക്കുന്ന യുദ്ധത്തിൽ പ്രധാനമായ കാഴ്ചക്കാർ നമ്മൾ മക്കൾ ആണ് … മിക്ക ദിവസവും ഉള്ള യുദ്ധത്തിലെ അവസാന നിമിഷങ്ങളിൽ ഒരാൾ പതുക്കെ പിന്മാറും… പക്ഷെ പിന്മാറുന്ന ആൾ സ്ഥിരം പറയുന്ന ഒരു പല്ലവി ആണ്… “ഒന്നും പറഞ്ഞിട്ട് കാര്യമില്ല”
നിറങ്ങളുടെ ഒരു ഭംഗി നമ്മൾ കാണുന്നത് പൂക്കളിൽ മഴവില്ല് കിളികളിൽ അങ്ങനെ പ്രകൃതിയുടെ എല്ലാത്തിലും നിറങ്ങൾക്ക് ഒരു സ്ഥാനം തന്നെ ഉണ്ട് ..
ഞാൻ ഇപ്പോൾ പറയുന്നത് നിറങ്ങൾ വളരെ ചെറുപ്രായം മുതൽ കുട്ടികളിൽ എങ്ങനെ വേർതിരിവ് ഉണ്ടാക്കുന്നു എന്നതിനെ കുറിച്ച് ആണ്… എനിക്ക് ശരിക്കും കടയിൽ പോയി കുട്ടി ഉടുപ്പ് വാങ്ങാനും അത് പോലെ കുട്ടി ഉടുപ്പ് തുന്നാനും ഇഷ്ടമാണ്… ഓരോ തവണ തുന്നുമ്പോഴും വാങ്ങുമ്പോഴും ഞാൻ ഇപ്പോൾ ആലോചിക്കുന്നത് നിറങ്ങളുടെ വേർതിരിവ് ആണ് …